گزشتہ روز میلبرن کرکٹ گراؤنڈ میں پاکستان اور بھارت کے درمیان آئی سی سی ٹی ٹوئنٹی ورلڈ کپ کا میچ کھیلا گیا جس میں بھارت نے پاکستان کو 4 وکٹوں سے شکست دی۔
'والد نا چاہتے تو یہاں نہ ہوتا'، ہاردک پانڈیا آنجہانی والد کو یاد کرکے رو پڑے
میچ کی دلچسپی کا اندازہ اس بات سے لگایا جاسکتا ہے کہ بھارت نے 160 رنز کا ہدف آخری گیند پر حاصل کیا۔
اسی حوالے سے ثانیہ مرزا نے انسٹاگرام پر ایک پوسٹ شیئر کی جس میں ان کے ہمراہ ان کی والدہ اور بہن موجود تھیں، ثانیہ اور ان کے اہلخانہ کے جذبات میچ کے دوران دیکھے جاسکتے ہیں۔
ثانیہ نے کیپشن میں لکھا کہ پاکستان اور بھارت کے درمیان ہونے والے میچ کے مختلف مراحل میں ہمارے جذبات ایسے تھے جس میں کبھی ہم خوش تو کبھی افسردہ تھے۔
ویڈیو کے آخر میں بھارت کی جیت پر ثانیہ اور ان کے اہلخانہ کو خوشی مناتے دیکھا جاسکتا ہے۔