کراچی: پاکستان اور انگلینڈ کے درمیان ٹی ٹوئنٹی میچز کے لیے نیشنل اسٹیڈیم کراچی میں نصب کیا جانے والا اسپائیڈر کیم تیکنیکی وجوہات کی بنا پر استعمال نہیں کیا جا سکے گا۔
پاکستان کی تاریخ میں پہلی مرتبہ انٹرنیشنل سیریز کے میچز کے لیے اسپائیڈر کیم نصب کیا گیا تھا۔ قبل ازیں اسپائیڈر کیم کا استعمال پی ایس ایل میں کیا جاتا رہا ہے۔
پاکستان انگلینڈ سیریز میں اسپائیڈر کیم کو استعمال کرنے کے لیے تیکنیکی ٹیم خصوصی طور پر کراچی پہنچی تھی۔
جدید تقاضوں سے ہم آہنگ اس نظام میں 30 سے زائد ہائی ریزولوشن کیمرے، اسپائیڈر کیم، ڈرون، ہاک آئی، 4-6 سلو موشن کیمرے اور دو الٹرا موشن کیمرے زیر استعمال تھے۔
واضح رہے کہ سات میچز کی سیریز کا پہلا مقابلہ کل منگل کو ہوگا۔