فہد مصطفیٰ اور مہوش حیات کی’’ لوڈ ویڈنگ‘‘ دوبارہ ریلیز کی جائے گی

لاہور: ڈسٹری بیوشن کلب کے زیر اہتمام فہد مصطفیٰ اور مہوش حیات کی ’’ لوڈ ویڈنگ‘‘ 15  مارچ کو دوبارہ سنیماؤں کی زینت بنے گی۔

تفصیلات کے مطابق معیاری فلموں کے شائقین کی ڈیمانڈ کے مد نظر ڈسٹری بیوشن کلب 15 مارچ سے لاہور ، کراچی اور اسلام آباد سمیت ملک بھرکے سنیماؤں میں سپر ہٹ فلم ’’ لوڈ ویڈنگ ‘‘ کی دوبارہ نمائش کا آغاز کررہا ہے تاکہ سنیما گھروں میں آنے والے شائقین کو پیسہ وصول معیاری تفریح حاصل ہوسکے۔

پروڈیوسر فضا علی مرزا اور ڈائریکٹر نبیل قریشی کی ڈائریکشن میں بنی فلم نے ہلکے پھلکے انداز میں سماجی مسئلے جہیز کے خاتمے کی جانب شائقین کی توجہ مبذول کروائی تھی جب کہ فلم میں فہد مصطفیٰ اور مہوش حیات کے منفرد کردار ، ہٹ میوزک اور پنجاب کے بیک گراؤنڈ میں رچی کہانی نے بھی شائقین کے ساتھ نقادوں کو بھی خوب متاثر کیا تھا ۔