مکرونی چاٹ

چاٹ مصالحہ کے اجزاء
زیرہ پاؤڈر 2 کھانے کے چمچ
ثابت لال مرچ 15عدد
سونف 1 کھانے کا چمچ
ثا بت دھنیا 4 کھانے کے چمچ
ٹاٹری 1 کھانے کا چمچ
کالی مرچ پاؤڈر 1 کھانے کاچمچ
اجوائن 1 چائے کا چمچ
کالا نمک 1 کھانے کا چمچ
ادرک پاؤڈر 1 چائے کا چمچ
آم چور 1 کھانے کا چمچ

مکرونی چاٹ کے اجزاء
کھانے کا تیل حسبِ ضرورت
مکرونی(اُبلی ہوئی) ڈیڑھ کپ
آلو(اُبلے ہوئے) 1 کپ
شملہ مرچ(کیوب کٹ) تین چوتھائی کپ
پیاز(چوپ) 1 درمیانی
ٹماٹر(چوپ) 2 چھوٹے
ہرا دھنیا آدھا کپ
نمک حسب ذائقہ
چاٹ مصالحہ 2 کھانے کا چمچ
ہری مرچ(چوپ) 2-3عدد
املی چٹنی 3 کھانے کا چمچ
لیموں کا رس 2کھانے کا چمچ

چاٹ مصالحہ بنانے کی ترکیب:
ایک پین میں زیرہ ڈال کر ہلکا سا بھون لیں۔
اب اس میں ثابت لال مرچ، دھنیا، سونف ڈال کر فرائی کر لیں۔
اب ان کو گرائینڈر میں ڈال کر گرائینڈ کر لیں۔
اب اس گرائینڈ کیے ہوئے مصالحہ کو ایک برتن میں ڈال دیں اب اس میں ٹاٹری، کالی مرچ ؤڈر، اجوائن، ادرک پاؤڈر، آم چور ڈال کر اچھی طرح ملا لیں۔
اس مصالحہ لو ڈبہ میں ڈال لیں اور چار سے چھ ہفتہ تک استعمال کر سکتے ہیں۔
مکرونی سلاد بنانے کی ترکیب
ایک برتن میں پانی لیں اس میں تھوڑا سا کھانے کا تیل ڈال کر مکرونی ڈال دیں اور اُبال لیں۔ 
اُبلی ہوئی مکرونی کو برتن میں ڈال لیں اور اس میں اُبلے ہوئے آلو، شملہ مرچ، پیاز، ٹماٹر، ہرا دھنیا، چاٹ امصالحہ، ہری مرچ، املی چٹنی، لیموں کا رس ڈال کر اچھی طرح ملا لیں۔
آپکی مزے دار مکرونی چاٹ تیار ہے۔