جاپانی کمپنی Science Inc نے اوساکا ایکسپو 2025 میں دھوم مچانے والی مستقبل کی ہیومن واشنگ مشین اب باضابطہ طور پر جاپان میں فروخت کے لیے پیش کر دی ہے۔ یہ کیپسول نما مشین صارف کو 15 منٹ میں مکمل جسم دھلوا کر تازہ دم کرتی ہے، بالکل بغیر گھمائے یا لانڈری اسپن موڈ کے۔
کمپنی کے مطابق مشین میں موجود جدید سینسر دل کی دھڑکن اور دیگر اہم علامات مانیٹر کرتے ہیں تاکہ پورا عمل محفوظ اور آرام دہ ہو۔ کیپسول میں آرام دہ ماحول، پرسکون موسیقی اور خودکار خشک کرنے کا نظام صارف کو منفرد تجربہ فراہم کرتا ہے۔
اولین طور پر اوساکا کے ایک ہوٹل اور مشہور الیکٹرانکس ریٹیلر یامادا ڈینکی نے مشین خرید لی ہے، اور 25 دسمبر سے اسٹور میں ڈیمو یونٹ کے ذریعے عوام کے لیے تجرباتی سہولت بھی فراہم کی جائے گی۔
کمپنی فی الحال صرف 50 مشینیں تیار کرنے کا منصوبہ رکھتی ہے، جن کی قیمت تقریباً 6 کروڑ ین (تقریباً 3 لاکھ 85 ہزار ڈالر) رکھی گئی ہے۔
یہ ایجاد نہ صرف جسمانی صفائی بلکہ ذہنی سکون اور ریلیکسیشن کا بھی مکمل تجربہ فراہم کرتی ہے، اور جاپان میں مستقبل کی جسم دھلائی کا انقلاب تصور کی جا رہی ہے۔