ہیما مالنی کا بیان: ھرمیندر سانس لینے میں دشواری، وینٹی لیٹر پر ہونے کے دوران ان کی موت کی افواہیں

بالی ووڈ کے معروف اداکار دھرمیندر سانس لینے میں دشواری کے باعث دو ہفتے ممبئی کے اسپتال بریچ کینڈی میں زیر علاج رہے۔

اداکارہ ہیما مالنی نے کہا کہ یہ وقت ان کے لیے بہت مشکل تھا، لیکن خوشی ہے کہ دھرمیندر اب گھر واپس آگئے ہیں۔

ہیما مالنی کے مطابق دھرمیندر کی صحت کی فکر پورے خاندان، بشمول بیٹیوں ایشا دیول اور اہانہ دیول اور بیٹے، کے لیے شدید پریشانی کا باعث رہی۔

ہیما مالنی نے کہا کہ دھرمیندر کو اپنے چاہنے والوں کے درمیان رہنے کی ضرورت ہے اور اس موقع پر دعا کی اپیل کی۔

اسپتال میں وینٹی لیٹر پر ہونے کے دوران ان کی موت کی افواہیں بھی پھیلیں، جس پر بیٹی اور اہلیہ نے بھارتی میڈیا پر شدید ردعمل ظاہر کیا۔

دھرمیندر کے ڈاکٹر نے تصدیق کی کہ وہ محفوظ ہیں اور اب گھر میں آرام کر رہے ہیں۔