منشیات کیس: جنوبی افریقی کرکٹر رباڈا پر ایک ماہ کی پابندی عائد

ساؤتھ افریقن انسٹیٹیوٹ فار ڈرگ-فری اسپورٹس (SAIDS) نے پروٹیز فاسٹ بولر کیگیسو رباڈا کے خلاف منشیات کے استعمال کی تصدیق کر دی ہے۔ ادارے کے مطابق رباڈا کے ٹیسٹ میں بینزوئلیکگونائن کی موجودگی پائی گئی جو کہ کوکین کے استعمال کا ثبوت ہے۔

SAIDS، جو کہ ورلڈ اینٹی ڈوپنگ ایجنسی (WADA) کا آفیشل پارٹنر ہے، نے تصدیق کی کہ یہ ٹیسٹ 21 جنوری کو جنوبی افریقی ٹی20 لیگ کے دوران لیا گیا تھا۔ رباڈا کو مارچ کے آخر میں نتائج سے آگاہ کیا گیا اور ان پر یکم اپریل سے یکم مئی تک ایک ماہ کی پابندی عائد کی گئی۔

اس پابندی کے باعث رباڈا نہ صرف جنوبی افریقہ کی چیمپئنز ٹرافی اسکواڈ سے باہر رہے بلکہ انڈین پریمیئر لیگ (IPL) میں بھی بڑے حصے میں شریک نہ ہو سکے۔

SAIDS کے قواعد کے مطابق، نتائج کی اشاعت کھلاڑی کو اپیل کا موقع فراہم کرنے کے بعد کی جاتی ہے۔ 3 جون کو شائع رپورٹ میں پہلی بار اس بات کی تصدیق کی گئی کہ رباڈا کا ٹیسٹ مثبت آیا تھا۔

رباڈا کی جانب سے اس معاملے پر تاحال کوئی عوامی بیان جاری نہیں کیا گیا ہے۔