عالمی ادارہ صحت نے خبردار کیا ہے کہ یورپی خطے میں بچوں میں تپ دق (ٹی بی) کے انفیکشن میں 10 فیصد اضافہ ہوا ہے، جو صحت کے شعبے کے لیے فوری چیلنج کا اشارہ ہے۔
یورپ اور وسطی ایشیا کے 53 ممالک پر مشتمل اس خطے میں 2023 میں 15 سال سے کم عمر کے بچوں کے 7500 سے زائد کیسز سامنے آئے، جو کہ 2022 کے مقابلے میں 650 کیسز زیادہ ہیں۔ ماہرین کا کہنا ہے کہ یہ اضافہ ٹی بی جیسے قابل علاج مرض کے حوالے سے ایک نازک صورتحال کی عکاسی کرتا ہے۔
رپورٹ میں یہ بھی بتایا گیا ہے کہ یورپی یونین میں ٹی بی کے تمام کیسز میں بچوں کا تناسب 4.3 فیصد ہے۔