کیلے کا ملک شیک یا بنانا شیک کافی عام استعمال ہوتا ہے اور صحت کے لیے فائدہ مند بھی سمجھا جاتا ہے۔
مگر ایک بھارتی شخص رنویر بہلا نے اسے چند دن ناشتے کے طور پر استعمال کیا تو جو تبدیلیاں دیکھنے میں آئیں وہ حیران کن تھیں۔
اس شخص نے دس دن تک ناشتے میں کیلے کے ملک شیک کو پیا ۔
رنویر کے مطابق ' میں نے دس دن تک کیلے اور دودھ کے امتزاج کو استعمال کیا، جس سے میرے جسم کے اندر جنک فوڈ کی اشتہا ختم ہونے لگی، دس دن کے اندر ہی میرے اندر تین بڑی تبدیلیاں دیکھنے میں آئیں'۔
جسمانی وزن میں کمی
اس شخص کے قول ' میرے خیال تھا کہ پراسیس شدہ غذائیں یا فاسٹ فوڈ کو چھوڑنا مددگار ثابت ہوتا ہے اور یہ درست ثابت ہوا۔ میرا وزن کیلے کے ملک شیک کے آغاز پر 70 کلوگرام تھا اور دس دن بعد یہ 67 کلوتک پہنچ گیا، یعنی تین کلو وزن کم ہوا۔ ہر صبح ملک شیک پینے کے ساتھ میں چہل قدمی کرتا، مناسب مقدار میں پانی اور گھر میں بنے کھانوں تک ہی محدود رہتا'۔
قبض سے نجات
اس نے مزید بتایا ' فاسٹ فوڈ کو عادت بنالینے کے بعد مجھے نظام ہاضمہ کے متعدد مسائل کا سامنا تھا، اکثر قبض رہتا اور یہ احساس ہر وقت طبعیت کو بوجھل رکھتا۔ کیلا نظام ہاضمہ کے لیے بہترین پھل ہے اور دس دن تک بنانا شیک کے استعمال نے مجھے قبض سمیت دیگر نظام ہاضمہ کے مسائل سے نجات دلا دی'۔
بے وقت بھوک ختم
ان کا مزید کہنا تھا ' میں روزانہ سموسے یا ایسی چیزیں کھانے کا عادی تھا اور اس سے میری اشتہا اس وقت بھی بڑھنے لگی جب جسم پانی کا مطالبہ کررہا ہوتا، جب میں نے کیلے کا ملک شیک پینا شروع کیا تو مجھے احساس ہوا کہ میرے اندر خودکار طور پر دیگر غیرصحت بخش چیزوں کی خواہش ختم ہوگئی ہے'۔