لارڈز ٹیسٹ میں انگلینڈ سے شکست کے بعد پاکستان کو ایک اور بڑا دھچکا

انگلینڈ کے خلاف لارڈز ٹیسٹ میں 194 رنز سے شکست کے بعد پاکستانی کرکٹ ٹیم کے کھلاڑیوں کو آئی سی سی ٹیسٹ رینکنگ میں بھی نقصان اٹھانا پڑا ہے۔

نئی ٹیسٹ رینکنگ کے مطابق بابراعظم 5 درجے تنزلی کے بعد 15ویں نمبر پر آگئے ہیں۔ بابراعظم نے لارڈز ٹیسٹ کی پہلی اننگز میں 8 جبکہ دوسری اننگز میں صرف 6 رنز بنائے تھے۔

دوسری جانب سعود شکیل نے رینکنگ میں 15 درجے کی بڑی چھلانگ لگاتے ہوئے 18ویں پوزیشن حاصل کرلی۔

دیگر پاکستانی بلے بازوں میں محمد رضوان 7 درجے تنزلی کے بعد 33ویں، شان مسعود 3 درجے نیچے آکر 41ویں جبکہ سلمان علی آغا بھی 3 درجے تنزلی کے بعد 43ویں نمبر پر پہنچ گئے ہیں۔

بولرز کی رینکنگ میں آسٹریلیا کے مچل اسٹارک بدستور پہلی پوزیشن پر موجود ہیں، جبکہ نیوزی لینڈ کے میٹ ہنری ایک درجے ترقی کے بعد دوسرے نمبر پر آگئے ہیں۔

انگلینڈ کے اولی رابنسن نے 6 درجے بہتری حاصل کرتے ہوئے پانچویں پوزیشن سنبھال لی، جبکہ سری لنکا کے اسیتھا فرنینڈو 4 درجے ترقی کے بعد 11ویں نمبر پر پہنچ گئے۔

پاکستان کے محمد عباس 15ویں نمبر پر برقرار ہیں، جبکہ انگلینڈ کے جوش ٹنگ 4 درجے بہتری کے بعد 13ویں پوزیشن پر آگئے ہیں۔

انگلینڈ کے گس اٹکنسن کو 10 درجے تنزلی کا سامنا کرنا پڑا اور وہ 24ویں نمبر پر چلے گئے۔

لارڈز ٹیسٹ میں پاکستان کی شکست کے بعد رینکنگ میں ہونے والی تبدیلیوں نے قومی ٹیم کے کھلاڑیوں کی حالیہ کارکردگی کو بھی نمایاں کردیا ہے۔