لیڈز: قومی کرکٹ ٹیم کے کپتان بابر اعظم انجری کی وجہ سے انگلینڈ کے خلاف پہلے ٹیسٹ میچ سے باہر ہو گئے ہیں اور ان کی عدم موجودگی میں سلمان آغا ٹیم کی قیادت کے فرائض انجام دیں گے۔
پاکستان ریڈ بال ٹیم کے ہیڈ کوچ سرفراز احمد نے پریس کانفرنس کرتے ہوئے تصدیق کی کہ بابر اعظم پہلے ٹیسٹ کے لیے دستیاب نہیں ہیں، تاہم میڈیکل ٹیم ان کی دیکھ بھال کر رہی ہے اور امید ہے کہ وہ دوسرے ٹیسٹ تک مکمل صحتیاب ہو جائیں گے۔ انہوں نے کہا کہ کپتان کی عدم موجودگی ایک دھچکا ضرور ہے، لیکن وارم اپ میچ میں فتح سے ٹیم کا مورال بلند ہے۔
سرفراز احمد کے مطابق شان مسعود مکمل فٹ ہیں جبکہ انگلش کنڈیشنز میں محمد عباس اہم فاسٹ بولر ثابت ہوں گے۔ انہوں نے سعود شکیل اور مڈل آرڈر بیٹرز کی موجودہ فارم پر مکمل اعتماد کا اظہار کرتے ہوئے بہترین کھیل پیش کرنے کی امید ظاہر کی۔