بین الاقوامی اور مقامی صرافہ مارکیٹ میں سونے اور چاندی کی قیمتوں میں مزید اضافہ ہوگیا۔
عالمی مارکیٹ میں سونے کی قیمت 42 ڈالر اضافے کے بعد 4 ہزار 415 ڈالر فی اونس پر پہنچ گئی۔
مقامی صرافہ مارکیٹ میں فی تولہ سونا 4 ہزار 200 روپے مہنگا ہونے کے بعد 4 لاکھ 63 ہزار 936 روپے کا ہوگیا۔
اسی طرح 10 گرام سونے کی قیمت میں 3 ہزار 601 روپے کا اضافہ ہوا، جس کے بعد 10 گرام سونا 3 لاکھ 97 ہزار 750 روپے کا ہوگیا۔
دوسری جانب فی تولہ چاندی کی قیمت بھی 146 روپے اضافے کے بعد 7 ہزار 111 روپے پر پہنچ گئی۔
واضح رہے کہ گزشتہ روز عالمی مارکیٹ میں سونے کی قیمت 24 ڈالر اضافے کے بعد 4 ہزار 373 ڈالر فی اونس ہوگئی تھی۔
مقامی صرافہ مارکیٹ میں گزشتہ روز فی تولہ سونے کی قیمت میں 2 ہزار 400 روپے کا اضافہ ہوا تھا، جس کے بعد سونا 4 لاکھ 59 ہزار 736 روپے فی تولہ ہوگیا تھا۔
اسی طرح 10 گرام سونے کی قیمت بھی 2 ہزار 58 روپے اضافے کے بعد 3 لاکھ 94 ہزار 149 روپے ہوگئی تھی۔