ویسٹ انڈیز کے خلاف دوسرے ٹیسٹ میچ کے تیسرے روز پاکستان کی بیٹنگ جاری ہے، قومی ٹیم نے 5 وکٹوں کے نقصان پر 301 رنز بنا لیے ہیں جبکہ میزبان ٹیم کی برتری ختم کرنے کیلئے مزید 43 رنز درکار ہیں۔
پورٹ آف اسپین میں جاری میچ میں پاکستان نے تیسرے روز کا آغاز 266 رنز 2 کھلاڑیوں کے نقصان سے کیا۔
کپتان بابر اعظم 88 رنز بنا کر پویلین لوٹے، جبکہ اویس ظفر ایک اور سلمان آغا بغیر کوئی رن بنائے آؤٹ ہوئے۔
اس وقت کریز پر عبداللہ شفیق اور محمد رضوان موجود ہیں۔ عبداللہ شفیق نے شاندار بیٹنگ کا مظاہرہ کرتے ہوئے 120 رنز بنا لیے ہیں، جبکہ محمد رضوان 13 رنز کے ساتھ ان کا ساتھ دے رہے ہیں۔
پاکستانی بیٹرز کی مزاحمت کے باعث ٹیم خسارہ کم کرنے کی پوزیشن میں آگئی ہے، جبکہ میچ کا تیسرا روز دلچسپ مرحلے میں داخل ہوگیا ہے۔