پی ایس ایل 11: لاہور قلندرزکا کراچی کنگز کو جیت کیلئے 200 رنز کا ہدف

پاکستان سپر لیگ (پی ایس ایل) سیزن 11 کے 35ویں میچ میں لاہور قلندرز نے شاندار بیٹنگ کا مظاہرہ کرتے ہوئے کراچی کنگز کو 200 رنز کا بڑا ہدف دے دیا۔

مقررہ 20 اوورز میں لاہور قلندرز نے 6 وکٹوں کے نقصان پر 199 رنز اسکور کیے۔ اوپنر فخر زمان نے جارحانہ انداز اپناتے ہوئے 61 رنز کی دھواں دار اننگز کھیلی جبکہ عبداللہ شفیق نے بھی 62 رنز بنا کر ٹیم کی پوزیشن مستحکم کی۔

دونوں بلے بازوں نے آغاز سے ہی جارحانہ کھیل پیش کرتے ہوئے بڑے اسکور کی بنیاد رکھی، جس کے باعث ٹیم ایک مضبوط مجموعے تک پہنچنے میں کامیاب رہی۔

دیگر کھلاڑیوں میں سکندر رضا اور ڈینئل سیمز نے بھی اہم رنز جوڑے جبکہ کپتان شاہین شاہ آفریدی نے مختصر مگر تیز اننگز کھیل کر اسکور کو مزید بڑھایا۔

کراچی کنگز کی جانب سے بولنگ میں حسن علی اور معین علی نے کچھ مزاحمت دکھائی، تاہم مجموعی طور پر بولنگ لائن لاہور قلندرز کے جارحانہ کھیل کو روکنے میں ناکام رہی۔

اب کراچی کنگز کو 200 رنز کا مشکل ہدف درپیش ہے اور میچ انتہائی دلچسپ مرحلے میں داخل ہو چکا ہے۔