.jpg)
انٹرنیشنل کرکٹ کونسل (International Cricket Council) نے بنگلادیش کے خلاف دوسرے ون ڈے میں متنازع رن آؤٹ کے بعد پاکستانی بیٹر Salman Ali Agha کے خلاف کارروائی کرتے ہوئے انہیں ایک ڈی میرٹ پوائنٹ دے دیا ہے۔
آئی سی سی کے مطابق سلمان علی آغا نے آئی سی سی کوڈ آف کنڈکٹ کے لیول ون کی خلاف ورزی کی۔ اس دوران انہوں نے آرٹیکل 2.2 کی خلاف ورزی کی، جو انٹرنیشنل میچ کے دوران کرکٹ کے سامان، کپڑوں یا گراؤنڈ کے آلات کے ساتھ نامناسب رویے سے متعلق ہے۔
آئی سی سی نے بتایا کہ سلمان علی آغا نے اپنی غلطی کا اعتراف کر لیا اور ان کے ریکارڈ میں ایک ڈی میرٹ پوائنٹ شامل کر دیا گیا ہے۔
واضح رہے کہ گزشتہ روز ڈھاکا کے شیر بنگلا کرکٹ سٹیڈیم میں کھیلے گئے میچ کے دوران بنگلادیش کے کپتان Mehidy Hasan Miraz نے سلمان علی آغا کو نان سٹرائیکر اینڈ پر متنازع رن آؤٹ کیا تھا، جس پر پاکستانی بیٹر نے میدان سے باہر جاتے ہوئے شدید غصے کا اظہار کیا۔
سابق پاکستانی کرکٹرز نے بھی اس حرکت کو سپورٹس مین سپرٹ کے منافی قرار دیا، جبکہ مہدی حسن کی اس حرکت پر سوشل میڈیا پر بھی شدید تنقید سامنے آئی۔