کراچی: ملک کی مقامی صرافہ مارکیٹس میں آج سونے اور چاندی کی قیمتوں میں نمایاں اضافہ ریکارڈ کیا گیا ہے۔ تازہ رپورٹ کے مطابق 24 قیراط کا فی تولہ سونا 2,300 روپے مہنگا ہو کر 5 لاکھ 28 ہزار 562 روپے پر پہنچ گیا، جبکہ 10 گرام سونا 1,972 روپے اضافے کے بعد 4 لاکھ 53 ہزار 156 روپے کا ہوگیا۔
اسی دوران 22 قیراط سونا 10 گرام کی قیمت 1,808 روپے اضافے کے ساتھ 4 لاکھ 15 ہزار 408 روپے ہوگئی۔ مقامی مارکیٹس میں چاندی کی قیمتوں میں بھی اضافہ دیکھا گیا ہے، ایک تولہ چاندی 120 روپے مہنگی ہو کر 8,735 روپے، جبکہ 10 گرام چاندی 103 روپے اضافے کے بعد 7,488 روپے پر پہنچ گئی۔
عالمی صرافہ بازار میں بھی سونے کی قیمت میں 23 ڈالر اضافہ ریکارڈ کیا گیا، جس کے بعد فی اونس سونا 5,058 امریکی ڈالر پر پہنچ گیا، جبکہ فی اونس چاندی 1.20 ڈالر اضافے کے بعد 82.60 امریکی ڈالر کی سطح پر آگئی۔
ماہرین کا کہنا ہے کہ اس اضافہ کا اثر سرمایہ کاروں اور زیورات کے خریداروں پر براہِ راست محسوس ہوگا، اور مارکیٹ میں سونے کی طلب بڑھنے کے امکانات ہیں۔